O tachi chest blog cuntun strani contrast... su Onde furlane Carli Pup al scugne lei le letare al Piccolo (une des tantis, magari cussì no!) di un „furlan“, insegnant (di storie, e mi domandi chei puar fantats che a varan di studiâ cun lui), che al tache cun violence (e mancjance di argoments) la pupilance de lenghe furlane. Un altri furlan cuintri il furlan. E di chê altre bande il scandai – e l'articul – su Bayern 3, li che plui dal 70% dai scoltadors al dîs che si varés di fevelâ „dialet“ simpri e pardut... colte capirano i „furlans“ che il plurilenghisim al è une des plui grandis ricjecis che o podìn vê?
Dienstag, 7. August 2007
Abonnieren
Kommentare zum Post (Atom)
6 Kommentare:
Mandi Luche,
un salût di un furlan internazionalitari (ancje se inmò resident in patrie) e un auguri pal to blog.
In mert al argoment che tu âs tacât chest post: la campagne che al è daûr a fâ il Piccolo e je indecente, e il nivel dai intervents lu conferme. La robe positive al è che ducj chescj atacs cence mani a tachin a fâ rabiâ ancje chei furlans che fin cumò a son restâts cuiets e cidins.
Sperìn, duncje, tal efiet boomerang.
no sai se o vin lete le stese letare sul Piccolo ( che al e' de stesse famee dal Messagero ) ma mi pare che si tache cu le solite polemiche "Semantiche"...
P.s. o soi une vore content di viodi simpri plui Blog in marilenghe.
Mandi! Mi fâs un grum di plasê di lei i vuestris coments. La robe che mi fâs un tichini di rabie e je che cualchi letare si mostre ancje cuntune patine "sientifiche" (no pensi dome al Piccolo, ma ancje a altris gjornâi de Regjon), cirint dopolamentri di freâ la int. Jo, lu dîs sincêr, no soi d'acuardi cun dut ce che si è daûr a fâ pal furlan, a son ancje falis chi e li che o crôt a sedin ancje "controproducenti", ma ce che al conte al è che si è tacât a lavorâ cun serietât. E che finalmentri o podaressin vê la pussibilitât di fâ lis robis par ben. E ce che de bande di une cierte opinion publiche (e soredut de bande di cierts politics, di ducj i colôrs dal Arc di San Marc!) si è daûr a fâ par sdrumâ ogni biel lavôr e ogni iniziative a pro dal furlan al è scandalôs. O speri ancje jo intun efiet boomerang, ma no volarès che al fos masse tart, che no si sedi zà rivâts a fassai che no si puedin plui jemplâ jenfri furlans e furlans. E intant ducj i blogs in marilenghe a mostrin che il furlan al à une puartade comunicative une vore grande! Mandi!
Mandi Luche,
benvignût te blogosfere!
Porche miserie: ma dulà âstu tirât fûr chê foto? Jo o soi di Farle!
Mandi Christian!
Biele no? Le ai fate jo a Feagne (e e sarà su la cuviertine de mê tesi di dotorât!)
Maman!
Mandi Luche, propit biele! vise cuant che tu âs finît.
mandi
Kommentar veröffentlichen