Mittwoch, 30. Januar 2008

Identitât e alteritât

O ai fat l'esam dal dotorât di ricercje. O ai fevelât, parcè che al jere un dai argoments de mê tesi, de autodefinizion de identitât. Mi àn criticât che salacor ce che o presentavi al jere un tichinin masse alteritât che no identitât. E jere vere, intun ciert sens. Ma la identitât no ise ancje la identitât di sè, venastai la definizion di me tant che difarent di chei altris? La Ich-Identität, no la Wir-Identität, chê che e mostre cemût che jo o soi unic. Identic cun me, ma nome cun me. Cheste e jere ancje la forme di identitât che i miei informants e reclamavin par sè. Difarents. Difarents dai todescs, dai bavarês (ancje se ben integrâts), difarents di chei altris migrants, difarents dai migrants talians, difarents dai altris furlans di chi. Difarents dai furlans dal Friûl. Une identitât che e veve tant di esclusion, ma che e jere la imagjine di sè viodude di sè. Un toc di identitât che salacor al è "limitant", ma che o crôt nus coventi a ducj, dongje di une "identitât" che a sedi identificazion cun l'altri...

3 Kommentare:

Scovacis hat gesagt…

ok, ma trop atu cjapât al esamp? tant par dî che bon l'alteritât e l'identitât.... ma a un furlan i interesse la sostance ;-)

Luche hat gesagt…

;-P L'esam al è lât ben, mi àn dât il massim (summa cum laude), cumò o ai di spietâ il tierç coretôr de tesi: i prins doi mi àn dât summa, ma se il tierç mi da di mancul mi sbassarà dut... ;-P

Scovacis hat gesagt…

Tu sês convocât
http://ilfurlanist.splinder.com/post/15929186
li de ILfurlanist ;-)