Mi mande Fabio un articul de Repubblica, li che si conte che al San Raffaele di Milan a àn discuviert cuâl argagn tal çurviel al impermet a lis personis bilengâls di cambiâ di une lenghe a di chê altre. A saressin tantis lis robis di dî... ma la prime e je une domande: cui ise une persone bilengâl? Un che al fevele dôs lenghis "nazionâls", come tal câs dal esperiment al San Raffaele? Se o sai fevelâ un "dialet" e une lenghe nazionâl (o no), no soio bielzà "bilengâl" (no feveli di bilenghisim inte definizion "sociâl" e/o "politiche", ma in chê "neurologjiche")? E se sì, cuant che lis lenghis a son tant dongje une di chê altre, cemût puedio "tignilis separadis"? Dulà sono i confins di une e di chê altre? E soio bilengâl se o feveli dôs lenghis fin di canai, o ancje se o impari une ancje di grant? E cuâl isal il nivel di cognossince di une lenghe che mi covente par podê dî che e je mê? E lis dôs lenghis àno di jessi al stes nivel? La ricercje sul bilenghisim e je une vore complicade, e salacor a laressin sclaridis un pocjis di "premessis"...
Samstag, 15. Dezember 2007
Abonnieren
Kommentare zum Post (Atom)
3 Kommentare:
Alé interessant di viodi ce che a Milan e an cjatât. Achi e cjacarin scuâsi ducj 3 o 4 lenghis e varessin di sburtâ i studis plui in là.
O ai viodût passâ il to mail ma no soi rivât a rispuindi. Al si é platât daûr di un penis enlargement e un spam di loterie e al é sparît prime ch'o vedi il timp di mandâ le rispueste:-)
OK, mande lis domandis.
E nol varessial di jessi normâl fevelâ nt' 3 o 4? O crôt ancje jo che al sedi interessant, ma o crôt ancje che a ledin sclaridis ciertis robis inprins... ti mandarai lis domandis in curt, salacor chê setemane chi, o se no dopo lis fiestis!
Mandi!
Tu sês invidât ae http://ilfurlanist.splinder.com/post/15169890 Eletrocjadenefurlane di Nadâl
Kommentar veröffentlichen