Mittwoch, 14. Oktober 2009

Mandi...

O ai tacât chest blog za fa doi agns par contâ un pôc des Gjermaniis e de mê esperience, di furlan migrant, di viodi il mont e il Friûl di cheste prospietive 'esterne'. Di chel moment a son sucedudis tantis robis, ancje te mê vite, che mi an puartât, par esempli, di une tiere di lenghe todescje a une altre, a chê simil, ma ancje difarente. Di zaromai plui di cualchi mês no rivi a tignî il blog 'vitâl', e duncje o ai decidût, cun vuê, di sierâlu, al mancul in vie provisorie. A cui che par interès o par câs mi à let e al à 'fevelât' cun me o pant dut il gno agrât. Un mandi de Stirie!

10 Kommentare:

triku hat gesagt…

Mandi Luche,
mi displâs che no tu rivis plui a stâi daûr cun frecuence al blog e che tu vedis decidût di sierâlu. Clâr però che i impegns di une persone a son tancj e no si rive mai a fâ dut ce che si volarès. Dut câs, o speri che si trati di alc di temporani, ancje parcè che lis riflessions che tu âs proponût a son simpri stadis une vore interessantis. Alore, a riviodi in curt!

Carli

Luche hat gesagt…

Mandi triku. No pues che panditi il gno agrât pes tôs peraulis, mi fâs plasê che lis mês riflessions a sedin stadi interessantis - al mancul par cualchidun, al manucul cualchi volte. O 'glaci' il blog, parcè che o crôt che un blog cence vitalitât nol vedi sens, ma al sedi un ossimori. O speri che prin o dopo o tornarai a vê il timp e la ocasion di tornâ a scrivi. E intant o continuarai a leus voaltris!

Unknown hat gesagt…

Oilà, no si sin sintûts masse da un pôc di timp, ma ancje stâ cidins cualchi vôlte al fâs ben. Sa tu âs chê di tornâ, dâ une tocade, o sin simpri achi.
Mandi

Anonym hat gesagt…

Mandi Luche
jo sint che ta cheste decision di glaçâ il blog a je une note di delusion.
A mi a mi displâs lei che sedi int ca je passade, ca vedi let e sedi lade indenant cence lassà nancje un scrit, par esempli sul post dal referendum.
Jo soi orgoiose di un furlan come te. Mi riferìs a chel co ai let su "Il Diari" dal 9 di setembar:
Luche Melchior
A Graz par studiâ furlan
Daspò di vê lavorât te Ludwig-Maximilians-Universität di Munic, dulà che vie pal 2008 si è indotorât cuntun studi storic e sociolinguistic sui spazis comunicatîfs dai
furlans emigrâts te Baviere, Luca Melchior di Coseanet al à fat Sant Martin e al è rivât te Universitât di Graz. Tal Staiar, il ricercjadôr al è Universitätsassistent di talian e di francês e si ocupe di insegnament de linguistiche e di ricercje. Il so diretôr e je la professore Sabine Heinemann che dispès si è ocupade di furlan. Melchior al è l’animadôr de clape Furlans di Baviere.

Gjovane (DoneBete)

Luche hat gesagt…

Gracis Jajo, graciis DoneBete. Come za dit, lis resons che mi puartin a 'glaçâ' il blog a son prin di dut personâls e di timp, no rivi a stâi daûr, e o crôt che al sedi cuintri la nature di un blog chel di jessi 'fer'. E magari tasê ogni tant, come che al dîs Jajo, nol è mâl. Tant che la "note di delusion", no sai se e je: di sigûr su cualchi argoment mi sarès spietât che a fos un pôc di discussion, ma o sai ancje che o soi nome un dai tancj blogs (e des tantis pagjinis) de rêt, e o crôt che magari cualchi intervent che al varès podût jessi salacor ancje interessant si è pierdût ancje par colpe mê e pe mê pocje costance tai ultins mês di tignî vîf il blog. O speri di tornâ cuant che il lavôr e i altris impegns mi permetaran di vê plui timp e costance, e intant us saludi e us learai simpri cun interès (e magari o sarai jo a intervignî sui vuestris blogs ogne tant!). Un mandi di cûr!

Christian Romanini hat gesagt…

Mandi Luche
mi displâs ancje a mi che tu "glacis", sperìn che al sedi dome parcè che si va viers la stagjon frede...
Spietant la prossime Vierte, ancje dal to blog, tu sâs che ca di me la puarte e je simpri vierte se tu vuelis tignîti in "blogalenament".
maman

Luche hat gesagt…

Graciis Christian!
O continuarai a 'passâ li di te' e salacor mi fasarai ancje 'viodi'! E dopo la glace, salacor une altre volte ancje chi!

il crot hat gesagt…

Orpo cheste le ai lete nome vuê.
Un grazie pes robis simpri interessantis e origjinâlis che tu âs metût sul blog.

O soi dut câs avonde sigûr che ti sintarin ancjemò.

Mandi
Il Crot.

Anonym hat gesagt…

Buinis fiestis, Luche
e ogni ben
Gjovane

Anonym hat gesagt…

Mandi Luche e Buine Pasche.
Gjovane